حاسب نفسك

حاسب نفسك لحظة بلحظة
الدنيا فى لحظة ماتفنى قبل
قبل ما يجئ حساب الاخرة
ولاينفع ندمك ولاحسرة

امحى ذنوبك توب إلى ربك
رب غفور وسميع وعليم
واللى هاينسى عذابه أليم
يوم يغويك شيطانك اوعى 
واشكر ربك سامع ليك 

عيش الدنيا صلاة وتسابيح
قوم الليل صلى التراويح
صِل أرحامك بر أباويك
ساعتها المولى هايرضى عليك

قوى إيمانك كده بالذكر
خللى التسبيح شاغل الفكر 
طهر مالك كده بزكاتك 
وحلى أيامك كده بصيامك
تشوف الخير على طول أودامك

وأه يا سلام على حج او عمرة
وسعيك بين الصفا و المروة
شوف الناس كده على عرفات
وبقوة بيرموا الجمرات

وطوف حوالين الكعبة تشوف
ملايكة لاتحصى مئات والوف
ولما تشرب من بير زمزم
وتزور قبر نبينا الهادي
تلقى شفاعته عليك بتنادي

وأرفع أيدك وأدعى يارب
يهدى الحال ويفك الكرب
قابل التوبة وغافرالذنب

حاسب نفسك لحظة بلحظة

ذكرى ثورة 23 يوليو

فى ذكرى ثورة 23 يوليو .. وجب ان نتذكر دائما حتى تتعلم الاجيال :

كيف ضاع السودان ؟؟

وكيف ضاعت مضايق تيران المصريه والسياده على خليج العقبه وتسليمها للصهاينه ؟

وكيف وصل الحال بمصر لأول مره فى تاريخها بقبول معونه غذائيه من أمريكا 


وزعت علينا بالمدارس فى 1957 ، 1958 ، 1959


وكيف ذبـــح المصريين على جبال اليمن لتحقيق الوحده العربيه؟

وكيف تم قصف أطفال اليمن بقنابل النابالم ؟ لترسخ الانتماء العربى فى الاجيال 


الجديده

وكيف قامت الحروب العسكريه بين مصر والسعوديه بمنطقة نجران ؟لتعزيز الوحده 


العربيه

وكيف دخلت مصر فى الوحده الفاشله مع سوريا ؟

وكيف بدأ أنهيار الصناعه المصريه بالتأميم ووضـــع ضابط جيش على رأس كل 


شركه وتكديسها بالعماله العاطله بحجة توفير فرص عمل ؟

كيف ضاع نصف الاحتياطى الذهبى المصرى فى شراء ولاء القبائل اليمنيه ؟

وكيف انهار الاقتصاد المصريه وبدأت الدوله فى أعلان أفلاسها مع قرارات زكريا 


محيى الدين الاقتصاديه فى عام 1966؟

وكيف تم توريط الجيش المصرى فى سيناء بقرارات أرتجاليه لتصفية حسابات 


شخصيه ؟ ليتم تكسير عظام الشباب المصرى تحت جنازير الدبابات الصهيونيه ؟


كيف كان نصف المصريين يتجسسون على النصف الاخر؟

وكيف ترك الزعيم البلاد فى 1970 فى حالة أفلاس تـام وشعب يعيش على ما يتلقاه 


من دعم مالى سنوى من دول الخليج .. وثلث البلاد محتل من شرازم العالم ومدن القناه 


مهجوره وتعيش فيها الخفافيش .. والسودان فى الجنوب وقد أنفصل ..

فيلم بايخ

أوحش حاجة في كل اللي جي اننا شوفناه قبل كدة:
-شوفنا عصام شرف وهو بيكرم اهالي الشهدا و بيتشال على الكتاف في الميدان، و شوفناه خارج باصص في الأرض
-شوفنا محمد نجيب في صورة مسروقة على النت قبل ما نعرف انه كان محبوب و استقال و الناس رجعته بعد 3 أيام مظاهرات و هما بيهتفو (محمد نجيب أو الثورة) أو لا وحدة بدون نجيب. 

-شوفنا الناس بتخرج في مظاهرات دعم "مدفوع" للمجلس العسكري، تمام زي ما حصل في الخمسينات في مارس 54 

-شوفنا سب في البرلمان تمام زي ما شوفناه قبل كدة في 54 في مظاهرات مارس و الناس بتهتف ضد الديمقراطية: « لا أحزاب ولا برلمان»

-شوفنا رئيس انقلب عليه مجلس عسكري (قيادة الثورة) و كان بيهدده بالقتل و الشعب رجعه و برضه، فيقوم الرئيس (محمد نجيب) يمسك ايد المجلس العسكري و يقول: «إحنا يد واحدة». و في الآخر يسجنوه و يحددوا اقامته.

-سمعنا إن محمد مصدق الإيراني كا ن رجل العام في العالم في مجلة تايم، قبل ما يقلبوا عليه الرأي العام و يبقى في ثورة تشيله. تخيل إن محمد نجيب برضه مجلة تايم حطت صورته على الغلاف وقالت عليه: «رجل مصر نجيب» و«لقد حصلنا على كفايتنا من الفساد». تخيل إن الحدوتة دي اتكررت في العالم لغاية ما الكتب اشتكت؟!

تخيل يا "مؤمن" إنك ممكن تشوف "محمد مرسي" بيعيد نفس الفيلم تاني. بس المرة دي بالألوان. 
محمد نجيب كان محبوب من الشعب، محمد مرسي الشعب كله -بيقول- عاصر على نفسه لمونة. 
لو قولت لك الفيلم نفسه بيتعمل تاني ألوان، بالذمة مش يبقى فيلم بايخ؟ 
وعليه:

1. ما تشاركش في الفيلم
2. زود وعي اللي حواليك، إن الخطة ببساطة أن ينقلب الرأي العام على الرئيس
3. انت شوفت الفيلم ده كتير قبل كدة، ما تبقاش رخم و تشوفه تاني أو تسمح بحد يشغله تاني
4. كم الترهيب و الرعب في الإعلام منطقي، لأنه فيلم بيتعاد
5. كم الهجوم على الستات في الشوارع منتظر و أكتر منه... لسه، حنشوف اكتر.
6. توقع اضرابات عمالية بما إن التاريخ بيعد نفسه: "ووصلت الخطة السوداء ذروتها، عندما اشترت مجموعة عبد الناصر صاوي أحمد صاوي رئيس اتحاد عمال النقل ودفعوهم إلي عمل إضراب يشل الحياة وحركة المواصلات، وشاركهم فيها عدد كبير من النقابات العمالية وخرج المتظاهرون يهتفون« تسقط الديمقراطية..تسقط الحرية»، وقد اعترف الصاوي بأنه حصل علي مبلغ 4 آلف جنية مقابل تدبير هذه المظاهرات."
7. عيب لما تبقى شوفت نفس السيناريو بيحصل لعصام شرف، وما تكلفش خاطرك و تروح تراجع بنفسك اللي حصل لمحمد نجيب. ذاكره و احكيه للي حواليك: http://bit.ly/nPMzJc
8. دعم محمد مرسي ولو بكلمة بشكل مستمر لغاية ما الفترة دي تعدي.
9. خليك واعي للي بيحصل... سلاحك الوحيد هو: الوعي.
10. خليك عارف إن من عجائب القدر إن محمد نجيب حكم مصر من شهر "يونيو" (يونيو 1953 - نوفمبر 1954) أيوا... نفس الشهر الكريم المبارك اللي محمد مرسي ح يبتدي حكمه فيه. يعني منتهى الملل... .

أخيرا، لو انت من مشجعي مرسي، ممكن كمان 50 سنة تبقى صورته زي الراجل اللي في الصورة بالأبيض واسود... ما حدش يعرفه، و يتمسح اسمه من التاريخ. ما تسمحش بإن ده يتكرر. 
( اللي في الصورة الأبيض واسود محمد نجيب!)