يبقى انت اكيد فى مصر عندما تعلن جريدة الاهرام الصادرة يوم الثلاثاء ان رئيس الوزراء... سيقوم بزيارة مفاجئة لمصنع الحديد والصلب يوم السبت القادم يبقى انت اكيد فى مصر ... لما تكون بلد مسلمة ومش مربية للخنازير ومن اعلى معدلات الاصابة بانفلونزا الخنازير فى العالم يبقى انت اكيد فى مصر لما لاعيبة الكورة ياخدوا ملايين ومرتب الدكتور 400 جنيه يبقى انت اكيد فى مصر لما عدد السياح اللى بيزوروا الاهرامات المزيفة اللى فى امريكا 10 اضعاف السياح اللى بيزوروا الاهرامات الاصلية فى مصر يبقى انت اكيد فى مصر لما تلاقى جدك الله يرحمه اللى مات وانت عندك سنتين له صوت فى كشف الانتخابات وانت معدى 18 سنة وملكش يبقى انت اكيد فى مصر لما وزير الصحة مراته تتعالج فى مستشفيات غير مصرية وكمان على نفقة الدولة يبقى انت اكيد فى مصر لما بلد عندها نهر النيل بتقطع فيها المية كل نصف ساعة يبقى انت اكيد فى مصر لما يبقى السيطرة على الحريق معناه ان المكان ولع بالكامل يبقى انت اكيد فى مصر لما يبقى المسامير والصراصير من المكونات الرئيسية لرغيف العيش يبقى انت اكيد فى مصر لما المصريين بيزيدوا مولود كل 28 ثانية ومقدروش يغيروا رئيس كل 28 سنة يبقى انت اكيد فى مصر لما الحلول الاساسية لمشكلة الفتنة الطائفية تبقى باغنية مشربتش من نيلها ومصريين بجد وكلنا مصريين يبقى انت اكيد فى مصر لما يتحول البرادعى من بطل قومى وعالم جليل الى رجل خائن ومتربى بره ومش مصرى لمجرد اعلانه نيته الترشح فى الانتخابات يبقى انت اكيد فى مصر وفى النهاية لما قناة تونس تشغل برنامج فى اعماق البحار والمظاهرات مالية الشوارع والرئيس هرب هو وعيلته والبرلمان اتحل يبقى اكيد رئيس قناة تونس ده من مصر يا معلم...
ليست هناك تعليقات:
إرسال تعليق